PROGRAMA XUVENTUDE MENTORING NA EMPRESA 2024 – 2025

Programa de emprego

A finalidade deste programa é reforzar a empregabilidade e as habilidades e competencias profesionais das persoas mozas inscritas no Sistema nacional de garantía xuvenil (SNGX), cun apoio da axuda financeira da UE. non ocupadas e non integradas nos sistemas de educación ou formación, contribuíndo á mellora da súa formación mediante a adquisición de experiencia profesional para a súa incorporación ao mercado de traballo, cos seguintes obxectivos específicos:

a) Potenciar os programas de educación non formal nos que as persoas mozas adquiran os coñecementos e habilidades máis demandados no contexto laboral actual.

b) Achegar as persoas mozas á realidade empresarial e mellorar a súa autonomía persoal.

c) Crear un ecosistema favorable á creación de oportunidades de emprego xuvenil.

d) Favorecer a captación e retención de talento en sectores económicos clave para a economía galega.

Requisitos das persoas mozas participantes neste programa

a) Ter feitos os 18 anos e non superar a idade máxima que estableza a normativa vixente do SNGX, de conformidade co disposto no artigo 97.c) da Lei 18/2014, do 15 de outubro, de aprobación de medidas urxentes para o crecemento, a competitividade e a eficiencia.

b) Estar empadroadas na Comunidade Autónoma de Galicia cunha antigüidade mínima dun ano.

c) Estar inscritas no SNGX e figurar como beneficiarias no ámbito da Comunidade Autónoma de Galicia.

Condicións e beneficios do programa

As persoas participantes percibirán unha bolsa de formación cun importe de 661,50€ mensuais, incrementada en 100€ en caso de persoas con discapacidade, e outros 100€ para desprazamentos cando a estadía non sexa no seu concello de residencia.
Ademais recibirán unha formación complementaria, cun mínimo de 20 horas lectivas e apoio e titorización durante a duración das estadías.
As horas formativas nas entidades ou empresas nas que se realizan as estadías terán unha
duración mínima de 100 horas mensuais e un mínimo de catro días laborais por semana.

Número de prazas ofertadas

🔹 Ingenieros/as industriales o mecánicos/as: 5 postos dispoñibles (Vigo)
🔹 Informático/a junior : 1 posto dispoñible (Vigo)
🔹 Community manager: 1 posto dispoñible (Vigo)
🔹 Personal administrativo: 3 postos dispoñibles (Vigo)
🔹 Mecánico naval: 1 posto dispoñible (Vigo)
🔹 Creativo/a para agencia de Marketing: 2 postos dispoñibles (Vigo)
🔹 Terapeuta ocupacional/Trabajador/a social/Educador/a social:1 posto dispoñible (Vigo)
🔹 Aprendiz de costurero/a: 2 postos dispoñibles de costurera, 1 posto dispoñible de alta costura (Vigo)
🔹 Redero/a: 1 posto dispoñible (Vigo)
🔹 Dependientas: 3 postos dispoñibles (Vigo)
🔹 Operarios/as de automoción: 5 postos dispoñibles (Porriño)
🔹 Aprendiz de carpintero/a: 2 postos dispoñibles (Porriño)
🔹 Fisioterapeuta: 1 posto dispoñible (Oia)
🔹 Masajista estética: 1 posto dispoñible (Oia)
🔹 Profesor/a de Yoga/Pilates: 1 posto dispoñible (Oia)
🔹 Recepcionista: 1 posto dispoñible (Oia)
🔹 Aprendiz de mantenimiento: 1 posto dispoñible (Oia)
🔹 Desarrollador/a de software: 1 posto dispoñible (Vigo)
🔹 Técnico/a de sistemas: 1 posto dispoñible (Vigo)