Desde a Fundación Impulsarse, no marco do programa Somos Migracións, poñemos en marcha novas formacións en idiomas (castelán e galego) dirixidas a persoas migrantes co obxectivo de cooperar no seu proceso migratorio.
🌍 ¿En que consiste o programa?
O obxectivo destas formacións é facilitar a integración social, cultural e laboral, mellorando as competencias lingüísticas necesarias para acceder ao emprego, á educación, á sanidade e a outros servizos básicos. O dominio das dúas linguas oficiais de Galicia tamén axuda a fortalecer os lazos coa comunidade e a comprender mellor a súa cultura e valores.
📚 Formación en:
✅ Competencia básica en lingua castelá (88 horas)
✅ Competencia básica en lingua galega (88 horas)
💡 ¿Como participar e onde se imparten?
As clases desenvolveranse na nosa sede de Vigo, Avenida das Camelias, 42, cunha metodoloxía práctica, dinámica e adaptada ás necesidades das persoas participantes. Ademais, as persoas interesadas realizarán unha entrevista inicial para coñecer o seu perfil.
Programa financiado pola Consellería de Política Social e Igualdade da Xunta de Galicia.
