Un programa para combater a soidade non desexada en persoas maiores
Na Fundación Impulsarse poñemos en marcha o programa VIDA ACOMPAÑADA, unha iniciativa financiada pola Xunta de Galicia e dirixida a persoas maiores que se atopan en situación de soidade non desexada. O noso obxectivo é ofrecer acompañamento, apoio e solucións reais para mellorar a súa calidade de vida.
🤝 En que consiste o programa?
O primeiro paso é escoitar. Queremos coñecer a situación de cada persoa participante, identificar as súas necesidades e deseñar actuacións personalizadas que lles axuden no seu día a día.
- Entrevistas individuais: concertaremos unha cita con cada persoa maior para falar, comprender a súa realidade cotiá e detectar carencias ou dificultades.
- Charla de sensibilización e información: aberta a todas as persoas interesadas, para presentar o modelo de vida compartida e fomentar unha comunidade máis unida e solidaria.
- Acompañamento no día a día: un/a auxiliar de servizos será o referente que compartirá tempo coas persoas participantes, ofrecendo apoio en tarefas como:
- Ir á compra ou facer xestións
- Limpeza do fogar
- Acompañamento a citas médicas
- Axuda co uso do móbil e outros dispositivos
- Conversas e tempo compartido para reducir a soidade
- Intervencións a longo prazo: grazas á información recompilada, deseñaremos accións sostibles no tempo que fomenten a autonomía persoal e preveñan situacións de dependencia. Estas medidas poderán incluír:
- Fogares compartidos
- Transporte comunitario
- Redes de apoio mutuo
Todo dependerá das necesidades reais detectadas.
Como participar?
Queremos chegar ao maior número de persoas posible. Se coñeces a alguén que poida beneficiarse ou se ti mesma/o precisas apoio, contacta connosco. Estaremos encantadas de axudarche a dar este paso cara a unha vida máis acompañada e plena.
📞 698 149 582
📧 elisabethfigueirido@fundacionimpulsarse.es
📌 Avda. das Camelias, 42 – baixo | Vigo
VIDA ACOMPAÑADA é un programa financiado pola Xunta de Galicia.
